為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2013 年 05 月 18 日

力挽視帝形象 黎耀祥壓力爆煲

由李添勝監製、黎耀祥主演的《巾幗梟雄》系列叫好叫座,並替祥仔兩度贏得視帝寶座,可惜同為「李黎配」的《神探高倫布》慘遭滑鐵盧,備受劣評,視帝形象危危乎。

為了力保金漆招牌,祥仔在《巾幗梟雄之喋血長天》中不但一人分飾兩角,更慘遭雞姦。除了出賣肉體外,祥仔亦犧牲色相,大玩騎呢生鬚look及戇居中間分界look,加上即學即背日文對白以致晒脷,連四十九歲生日亦直踩開工,壓力爆煲!

幾屆視帝的黎耀祥也不太滿意自己表現,開工不久就苦笑兼扁晒嘴。

做到變人乾

入行至今,黎耀祥公認是好戲之人,但《神探高倫布》卻因劇本荒誕科幻,導致收視低迷,馬賽廿一分鐘狂嗌三十五次「布布」更遭網友恥笑,連累祥仔晚節不保,被嘲做配角勝過擔正,三屆視帝亦只好「跪低」認衰:「我都係第一次畀人鬧得咁勁!大家講得啱,個劇有唔合理嘅地方,部分劇情都誇張咗。」

雖然《神》劇被插得體無完膚,但祥仔仍無暇放鬆,剛與陳豪等拍畢《傳愛事務所》後,便緊接為《巾幗梟雄之喋血長天》開工,加上《巾》劇要一人分飾兩角,令他大叫頂唔順!他說:「角色好複雜,心理上比較辛苦,而戲份佔廿集咁多,以往好少有,實在有啲攰。」

休息不足兼有大堆日文對白的黎耀祥對住記者笑笑口,反而胡杏兒則較為緊張。

穿高踭鞋的胡杏兒要黎耀祥拉起身,但祥仔力不從心,表現甚為辛苦。