為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 親子天地  > 父能量 2013 年 05 月 15 日

千金頌 關禮傑

《金枝慾孽貳》中崑劇花旦雲秋玹,因戲班穿州過省作表演,將兒子留在鄉間託親友照顧,父子被迫分隔兩地。

現實中飾演雲秋玹的關禮傑,縱使中港兩邊飛忙拍劇,也心繫兩名分別十八歲及十一歲的千金。人在內地,視像、短訊從不間斷;返到香港,寧願捱眼瞓也要長伴女兒身旁,陪食飯、陪傾偈、陪瞓覺,甚至女大女世界有節目,關禮傑仍會充當司機接載女兒赴會,哪管只有三十分鐘的車程,他也不容有失。「爸爸同囡囡嗰種骨肉感情係特別窩心、特別有意思o架,我好慶幸我有家庭、有兩個女,可以作為減壓嘅渠道,見到佢哋,我就乜嘢壓力、唔開心都冇晒。」關禮傑由衷的說。

重女輕男

加入娛圈三十年的關禮傑,無懼歲月的洗禮,身形、樣貌依舊,臉上只是添了數條紋理,是人生豐富閱歷的反映,畢竟他的兩位千金楓馨及楓盈也已經亭亭玉立。

在關禮傑身上,不易嗅到人父的氣息,提及兩位女兒的點滴,他卻滔滔不絕,嘴角上揚、雙眼有神,似在腦裏尋找父女間的相處軼事,他細說:「大女比較文靜,始終都十八歲大個女喇;至於細女就大癲大肺啲,屬於敢愛敢恨嗰隻,佢係全家最細,喺父母心目中永遠都係BB。」簡單幾句,已將無窮父愛溢於言表。

原是傳統重男輕女大男人的關禮傑,誕下女兒後全然改觀,認為父女間那種骨肉之情很有意思、很窩心,「如果依家畀我再生,我都係揀生女!」尤其有了家庭、有了女兒後,關禮傑更視之為抒情減壓的渠道,他微笑着說:「我自己好欣慰,上天畀咗兩個女我,對住佢哋、同佢哋傾吓偈,我就成個人舒服晒,乜嘢壓力、唔開心都冇晒!我係一個好享受家庭生活嘅人,所以經常會一家人周圍去旅行,喺第二度,自己同佢哋都玩得放啲relax啲。」

關禮傑與太太Anna育有兩名女兒,長女楓馨今年已經十八歲亭亭玉立,並將於九月升讀大學,向教育路進發,因為她的志願是為人師表。

回想昔日經常中港兩邊飛忙拍劇,失卻許多與女兒共處的時光,關禮傑臉色一沉,似有遺憾,說:「以前大女細個返學嗰陣,老師問佢爸爸去咗邊?佢話爸爸唔喺香港,喺國內做嘢,仲講到想喊,我知道都好感動、好心酸!好在依家科技發達,去到邊都可以打電話、用視像。就係因為唔係日日都見到兩個女同老婆,所以我好珍惜我喺屋企嘅時間,會陪佢哋食飯、傾偈、瞓覺,佢哋瞓咗,我先出返廳睇波、睇電視。就算個女要早起身返學,我都會送佢出門口,之後先再瞓番,盡量爭取多啲相處嘅時間。」

○二年,關禮傑一家四口應婚紗公司邀請拍攝家庭照,其時幼女剛出世,可愛非常。