為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 05 月 09 日

時亨哥醒!摸頂賣豪宅

時亨哥投資向來有眼光,舊年十月下旬振英哥出辣招前不久,佢成功沽出半山區澄碧閣一個豪宅單位,售價接近九千萬,呢個物業係九七年買入,當時樓價三千三百幾萬,照咁計,佢帳面賺超過半億,十分之和味!

本刊問時亨哥點解咁醒,佢話舊年九月去理工出席研討會,已講過樓市投機太過分,冇可能高成咁,所以對個市已唔睇好,剛剛有某富豪鍾意佢個單位,而且兩個女先後出嫁,冇需要住咁大間屋,於是決定獲利售出。佢離開官場咁耐,完全唔知政府會出乜招,只係睇市準啫!

呢個單位佢已供滿,落袋現金達八千幾萬,仲未計其他資產,估計佢身家閒閒哋過億。打工仔積累到咁嘅財富,的確唔簡單。

時亨哥始終對投資物業有信心,故上月以三千五百萬買入南區浪琴園一個單位(建築面積二千呎),比高峰期平咗啲,算幾抵。

馬時亨舊年十月摸頂出售半山澄碧閣豪宅,帳面賺五千幾萬,投資眼光冇得頂。