為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 05 月 08 日

長毛手下雙煞 喪玩「車立」玩出禍

長毛玩拉布愈玩愈癲,佢班「o靚」更四出在立會大樓內搞破壞,㩒晒全部「車立」掣,阻止議員趕去會場,以造成流會,最初長毛唔認係馬仔所為,但閉路電視影到「元兇」個樣,證據確鑿,秘書處隨即報警,警方派出重案組調查,絕不手軟。被影到「玩「車立」」嘅四個破壞王,包括長毛嘅議員助理黃軒瑋同黃浩銘,另外兩人係社民連成員,佢哋都前科纍纍,搞破壞已N次。

長毛手下兩大破壞王黃浩銘及黃軒瑋(搶咪者)被證實是「玩「車立」」元兇,佢哋前科纍纍,掟過飯盒搶過咪,愈玩愈激,已上晒癮,連大佬都控制唔住。

黃浩銘理工社政系畢業,曾想過做AO,但唔成功,老爸屬建制派(沙田鄉事委員會村代表黃裕材),佢就向「左」走跟咗激進派,○八年加入社民連,前年趁煲呔去沙田出席活動,聯同另一成員出擊,向煲呔掟粟米石斑飯,一掟成名。其後佢被控擾亂公安罪,但獲裁定罪名不成立。

黃軒瑋亦係「衝動派」高徒,深得長毛真傳,前年曾衝上台搶鄭汝樺(當時任運房局局長)支咪,又大撒溪錢,最初被判囚兩周,上訴到高院後,改為輕判罰款二千蚊了事。

佢最激一役,係前年七一遊行後,佢突然拉開鐵馬,衝出干諾道中,佔領兩條行車線,險象環生,連社民連大佬都㩒佢唔住。