為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 理財  > 投資攻略 2013 年 05 月 09 日

銀行收水 的士牌價高位回落

府連番出招打壓樓市,加上銀行開始加按息,的確令市民買樓投資意欲大減。不過目前超低息的環境持續,好多人資金唔用來買樓,都要搵其他出路,就例如投資的士牌,起碼政府唔會出辣招打壓,而且近年亦唔會發新牌,令牌價有支持。

的士牌價今年初見頂後,已經回落到六百七十幾萬。

最近同買的士牌起家,現擁過百的士牌的忠誠車行老闆鄭克和傾開,佢話政府接連出招遏樓市後,炒樓難搵食,確有唔少人轉吼的士牌,令市區的士牌價早前創出七百萬元以上的歷史新高。

買的士牌同買樓差唔多,一般可做七成按揭,息率約二厘幾,將的士出租,投資回報有三厘幾,高過按揭息率,而且買賣唔使交甚麼SSD(特別印花稅)同BSD(買家印花稅)等等。

政府接連打壓樓市,樓宇銷售門庭冷落。

不過鄭克和提醒,近期牌價升勢好急,銀行為降低風險,已經開始收緊按揭,加上受外圍經濟及禽流感等消息影響,目前牌價已由高位回落至六百七十萬。所以有閒錢人士唔好見冇得炒樓就一窩蜂去買的士牌,因為的士牌同樣可升可跌。