為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2013 年 05 月 09 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

久別重逢

今晚嘅「Paco巨星飯堂」,集合我嘅新識舊友:Christy鍾麗緹同電影公司老闆郝總郝社永,都係同我相識已久;何華超(Tony)就曾經擔任我嘅嘉賓,梁德森導演(Sam)則係同我首次相聚。能夠令4位聚首一堂,全因即將上映嘅電影《瘟泉》。

今次集久別重逢同招呼新知於一身,我就帶4位去到位於中環嘅「霞飛會館」,品嘗有性格嘅滬菜,同時亦暢談電影經。

今晚我同郝總、Christy、Sam及華超共敍一堂,喺「霞飛會館」品嘗滬菜。

驚慄女神

Christy一向予人「女神」之感,就算佢已為3女之母,狀態仍然keep得好。今次佢參與演出,全因導演Sam同驚慄戲種。「唔知點解觀眾會話我行性感,其實我好鍾意challenge自己,今次拍《瘟泉》係其中一個challenge。我睇劇本嘅時候,已經fall in love with my character,因為戲入面飾演我嘅好姊妹嘅柳岩,忽然失蹤咗,而我就要好努力搵番佢,過程中好多內心戲,都要好用心去handle。

Christy話今次嘅演出甚具挑戰性。

「至於導演,佢不嬲都係好artistic嘅,今次佢處理啲camera嘅方法好新鮮,會360度去拍,我學到好多嘢。」

哈哈哈!Christy咁用心去演呢個角色,令到投資嘅老闆郝總都讚不絕口,「有Christy和導演,加上李璨琛、柳岩和何華超等演員,已經把我最初構想的驚慄片演繹得很好。

「那時候我想,國內電影有很多片種,喜劇的、劇情的,好像少了一些驚慄片,所以當梁導演跟我說《瘟泉》的故事時,我已經被故事吸引了。」

霞飛六小碟各具特色,有開胃前菜、佐酒良品,滿足晒唔同嘅需要。

羊肚菌爆螺頭燉雞($600/6位用),落足料燉4個鐘,夠火候亦相當滋陰。

合作無間

Christy同郝總都大讚Sam導演,原來今次係佢首次參與國產片拍攝,「仲有好多地方要學習,不過今次因為搵咗唔少一向合作開嘅演員,好似華超同阿Sam(李璨琛)咁,大家合作多,所以建立咗一定嘅默契。

「同Christy雖然係第一次合作,但係因為佢係一個好好嘅演員,所以成部戲都拍得好順利。至於柳岩就係一個驚喜,喺真正拍攝前,其實我對佢嘅認識唔多,只係知道佢喺國內有一定嘅知名度,至於驚喜位,我就留番大家睇戲時發掘啦!」

導演口中嘅老拍檔華超,原來喺8年前已經同Christy喺另一部驚慄片《凶男寡女》中交過手,今次再度合作,梗係更得心應手。「今次我飾演Christy嘅前男友,同柳岩嘅關係亦千絲萬縷。拍驚慄片嘅布局好重要,多得導演,令我哋更加易入戲。」

導演(左)同華超(右)多年來屢次合作,已建立默契。

Christy生動演繹導演運用鏡頭嘅方式。

古法酒香蒸桂魚(時價),酒香四溢,魚肉鮮甜。

蓮荷紅燜香羽元蹄($600),採用以天然飼料飼養嘅香羽豬,不含激素,肉質彈牙。

崧子雞米窩巴卷($128/4件),以崧子雞粒、馬蹄、紅椒及香芹配香口窩巴,層次豐富。

驚心旅程

華超同Christy都不約而同大讚導演,Sam只係笑稱:「我都係想利用鋪排帶出『最令人驚慄嘅就係人心』嘅訊息,《瘟泉》係我由一部好多年前嘅電影得到啟發嘅第一個故事,我總共構思咗3個相關故事,都係由旅行帶出一啲驚心動魄嘅經歷。

「今次講日本,之後兩部就係另外兩個國家。」

驚慄片一向有其捧場客,我先喺飯敍祝梁導演新作「驚動」人心!乾!

面對美食,Christy童心再現,影低留念。

Christy(左二)其後用手機同一眾飯腳合照,再現鬼馬一面。

雞汁白靈菇($108)將切片百靈菇炸香,口感特別。

灌湯蝦球($128)外表「硬朗」,但內裏係爆醬上湯,色香味俱全。

脆皮腰果湯圓($48/3件),外脆肉軟,腰果味濃。

上海小籠包($40/4件)皮薄肉嫩。

霞飛會館

地址:中環德己立街1-13號世紀廣場4樓

電話:2522 7611