選美冠軍索女 加盟新民黨

新民黨近日密密招兵，以往入黨唔少係威猛男士，今次有啲唔同，其中一個新人係中國小姐香港賽區冠軍趙哲妤（Uny）。呢位靚女在娛樂圈有小小名氣，亦接唔少模特兒job，上星期就拍咗個Deep V婚紗廣告，盡騷玲瓏身段，成功搶到報章版面。早前Uny自爆入行前被攝影師要求除bra影相，佢拒絕後竟被禁錮，言行都幾出位。

Uny入黨後主要在荃灣及葵青區做嘢，例如落區派吓傳單，可能新民黨想在地區谷吓佢嘅人氣，講唔定以後參加選舉都唔奇。

本刊詢問帶Uny入黨嘅新民黨副主席鄭承隆，佢話呢位新人係經仁濟前總理趙貫修律師介紹，佢覺得只要有人願意幫手黨務，都會歡迎。Uny落區表現唔錯，自動揀合適衣着，有時連妝都唔化，有熱誠做嘢。

鄭承隆話同Uny約法三章，以後盡量避免接泳衣或內衣job，對方亦應承。