為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 05 月 04 日

家洛Vs毛毛公民黨內互片

泛民圈內近日傳出,公民黨發生內訌,陳家洛同毛孟靜不和,上周兩人因賑災撥款問題對罵,事緣陳家洛在財委會要求政府將錢捐畀NGO,毛孟靜則劃清界線,怒指「陳家洛唔代表我」!

線人指,毛姑姑一直唔支持撥款,對公民黨贊成政府捐錢唔likey,但呢個只係導火線,原來佢哋代表黨內兩派,早就爭權爭位,心病積咗好耐。公民黨執委分兩路人馬,一派係以鄭宇碩為首嘅學院派,包括毛姑姑;另一派以陳家洛為首嘅少壯派,比較激進,同部分創黨大狀埋到堆。

兩年前換屆時,部分大狀支持陳家洛做主席,火併鄭宇碩,結果勝出,當時已有部分黨員不滿,毛姑姑更暗指陳家洛「不君子」,自此已出現嫌隙,甚至水火不容,今日為撥款互片只係冰山一角,暗戰陸續有來。