為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 04 月 28 日

田少落嘴頭 溝大輝阿Paul

政圈盛傳唐唐「家臣」林大輝會入自由黨,當事人一直支支吾吾,最近自由黨大佬田少同記者茶敍,直認有同林大輝傾過入黨,因為大家理念相近,而且商界遲早要參加直選,對方應該諗吓埋堆。

田少同林大輝「地盤」都在新界東,將來豈非互打?田少話,下屆立法會選舉時,自己已七十歲,好大機會唔再玩,就算再選,到時會劃多一個新界北選區,可以「一山藏二虎」。

除了招攬大輝哥,田少亦同謝偉俊傾過偈,希望佢入埋自由黨,如果成事,該黨在九龍勢力便進一步加強。不過阿Paul從來獨行俠,葉劉搵過佢入新民黨,都食檸檬,田少未必咁易傾掂佢。

田少直認曾與唐唐「家臣」林大輝(左)傾過入自由黨,唔怕「一山藏二虎」。