為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 04 月 27 日

乖仔快攞牌 阿湯開心到暈

湯家驊喜事接住嚟,都同個仔煒軒有關,半年前佢榮升老爺娶新抱,笑到見牙唔見眼,最近煒軒又申請大狀牌,獲批後即可正式執業,老竇見囝囝過關成功在望,好快繼承父業,自然開心到暈。

阿湯同本刊記者講,煒軒去英國讀完法律返港,跟師傅學咗半年,仲有半年至正式滿師,不過根據行規,只要有一位師傅代為申請,得到批准後就可以正式執業做大狀。

過去半年煒軒先後在金牌大狀樓Temple Chamber跟過杜淦堃同翟紹唐學師,今次就由杜師傅親自為佢申請。雖然可以執業,但煒軒仍要跟多兩名師傅,頭三個月會先跟資深大狀何沛謙,最後三個月就跟另一個大狀Andrew Mak。

阿湯講,囝囝今次出來執業,唔想靠老竇個名,所以連申請執業都唔使佢幫手,「余若海都親自幫個女寫申請,我個仔就點都唔想人知我係佢老竇。」阿湯話,煒軒學滿師後,佢當然想個仔入埋自己間大狀樓Temple Chamber,不過煒軒一向好獨立,聽口氣唔多想入。

湯家驊囝囝煒軒(右)由師傅申請正式執業,如批准即可成為大狀,老爸當然笑騎騎!