為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 04 月 24 日

籌到六百萬 泛民中人都話奇

目前職工盟仲揸住張王牌,就係有大筆捐款在手,可以打持久戰。由開始罷工至今,職工盟總共籌到近六百萬,單一行動獲此大額捐款,實屬罕見,一位泛民人士同本刊講,佢哋以往在街頭募捐,百幾二百萬已甚多,今次罷工在咁短時間籌到呢個數,的確有啲奇,唔怪得圈內傳言四起,話有「叠水之人」背後慷慨捐助。

本刊記者就此詢問職工盟,有關人士指,通過銀行帳戶入帳嘅捐款超過五千六百個,大部分少於一千元,逾萬元捐款不足二十個,當中數人捐款五萬以上。但佢冇講最大筆捐款有幾多。街頭籌款方面,留守中環次日籌得九萬,上周五大集會則籌得二十二萬。

不過筆錢已派得七七八八,只剩低一百六十萬左右,好快會乾塘,但市民已開始冷淡,人哥都幾頭痕。

罷工行動變成批鬥大會,大多數參加者係激進社運人士。