為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2013 年 04 月 24 日

蘇偉文呻無產 實情買樓勁賺五百萬

恒生管理學院商學院院長蘇偉文每個月人工起碼十幾萬,估唔到連佢都呻窮,跟某傳媒話冇物業揸手,暗示自己係無產階級。

一言聽到消息,話蘇偉文明扮無產,實則係樓市大贏家,本刊翻查資料顯示,佢早喺二○○二年地產低潮時,跟太太聯名,以二百七十七萬,買入藍田匯景花園一個九百一十三方呎單位,每方呎價三千零三十四元。

蘇偉文呻窮,暗示自己係無產階級。

蘇偉文間匯景花園喺○二年以二百七十七萬買入,今天已升值至七百七十一萬。

蘇偉文不愧為商學院院長,投資眼光奇準,喺地產最低潮入貨,經過十年,個單位已經升值到七百七十萬,升咗足足一點八倍,勁賺近五百萬,而他今日仍然持有呢個單位,唔明點解佢話自己無產。

相反,將單位賣畀佢的業主就慘喇,呢位仁兄九七年以七百二十五萬買入,揸到二○○二年,見個市跌足六年,心灰意冷之餘將個單位出讓,白白唔見咗四百幾萬。

蘇偉文回應本刊查問時,話佢一直冇隱瞞呢個單位,至於嗰間傳媒點寫,佢都管唔到。

不過,蘇偉文依家貴為長遠房屋策略督導會成員,對房屋政策掌握較別人更多更快,為免得瓜田李下,都應該為嗰段報道作澄清。

土地註冊處資料顯示,蘇偉文跟陳麗雲二○○二年聯手買入匯景花園單位。

林奮強因為涉嫌偷步賣樓被千夫所指,蘇偉文要小心啲喇。