為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2013 年 03 月 28 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

粵化韓風

當韓流漸成娛樂圈新氣候,我都要邀請兩位韓國嘅朋友,擔任「Paco巨星飯堂」嘅嘉賓:宋斗煥(Song)有「泡菜王力宏」之稱,外形一流;徐柔羅(Yura)就講得一口流利嘅普通話,放眼大中華。加埋喺香港土生土長嘅談善言(阿談),3位model各有各天地。

我特別邀請佢哋去到位於日航酒店嘅「桃李」,讓兩位韓模一嘗粵式風味。

今晚我同「客席主持」阿談(左一),一齊喺「桃李」為兩位來自韓國嘅Yura(左二)同Song(右一),介紹有粵式風味嘅菜式。

赴京7年

Yura、Song同阿談係Model Genesis嘅同門師兄妹,3位model各具特色。先講26歲嘅Yura,外形上,有5呎10吋嘅佢已經夠台型,加上佢中文讀寫都冇問題,溝通完全冇語言隔膜,「因為在14歲的時候,我爸爸要去北京工作,所以我跟他到當地讀中學,留在那邊7年,所以學會了普通話跟中文。」

依家Yura除咗做model之外,仲有兼顧主持工作,「現在我在『Channel M』主持《泡菜粉絲俱樂部》,就是介紹和報道一些關於K-pop的新聞。」

Yura(右)同阿談(左)全程用普通話溝通,毫無隔膜。

哈哈哈!原來報道K-pop新聞反而係Yura學以致用嘅地方,「有一些關連吧!之前在北京的時候,我考上了人民大學的新聞系,不過我覺得寫新聞很悶,哈哈!所以回去韓國之後就自薦做model。」

另外,Yura仲進軍才女行列,為《東Touch》撰寫「K Style Column」,專門介紹韓式潮流,「哈哈!因為我有開網上的韓妝店,也懂得一點潮流的訊息吧!」

香杧香橙鴛鴦蝦球($288)以杧果及橙醬汁襯托蝦球,絕無膩感。

燒雲腿炒乳鴿脯($240)以金華火腿吊出乳鴿香味。

錦鏽玉鴛鴦($188)係開胃前菜,「鴛鴦」代表雞絲、鴨絲,配上時令果條,睇得醒神,食得開胃。

韓食推介

至於Song,就先與卓韻芝傳緋聞而為人熟識,但路遙知馬力,有身形嘅佢天賦優厚,6呎2吋高加上42吋巨胸,梗係得到唔少high-end品牌垂青。「我鍾意做model,可以試到唔同嘅嘢。嚟到香港嘅眼光亦都廣闊啲,依家喺香港生活咗一年半,都適應得好好。」

Song為咗keep住健碩身段,一啲都冇偷懶,「每個星期我都會做4次gym,可能之前喺韓國當過兵,所以要keep都唔係太難。

兩位美女青春可人,而且口才了得,令飯敍氣氛更加融洽。

Song外形討好,喺模界不難大展拳腳。

喺未有正宗韓國之味嘅炸醬麵之前,我請大廚特別為Yura同Song炮製獨一無二嘅炸醬麵,佢哋都要即時拍低美食留念。

「食嘢方面都冇太特別嘅規限,不過我好掛住喺韓國食嘅炸醬麵,喺香港我暫時都仲未搵到嗰種味道。」

Yura立即加入「韓食兵團」,「不過,香港也有一些正宗的韓國餐廳,我也有帶Song去過,好像在尖沙咀的『天豐園』,裏面大部分時間的客人都是韓國人,因為味道正宗。

「而香港島的也有一間叫『純子餐廳』的韓國餐廳,那裏的菜也非常有我們家的風味。」

燕液竹笙冬林上素($228)以燕窩配合素菜,有貴氣亦鮮味。

椒鹽炸蟹拑($280/4隻)選用肉蟹蟹拑,肉質彈牙。

前途無限

兩位韓國代表各有抱負,亦有推介香港正宗韓食,而只有22歲嘅本地薑阿談,則喺半年內接拍7個廣告,成為新一代「CM女王」,前途無可限量。「我梗係好開心啦,可能因為我嘅外形夠爽朗同有啲型格,會比較多人鍾意。」

Song(右)為我拍低炮製「B1」嘅歷史性時刻。

加埋葉念琛(左一),我哋嚟一round「B1」,盡興!

哈哈哈!所以我特別邀請正在籌備新戲嘅葉念琛導演踩場,佢都認為阿談係可造之材,唔講唔知,原來阿談入行前係喺後台為model換衫。「以前從來都冇諗過會有人搵我做model,我一來覺得自己唔夠高,二來又唔夠靚,估唔到都會畀人睇中。」

無心插柳下,阿談仲參與埋「港台」劇集《DIY2K》嘅演出,逐步踏上星途。既然今晚集港、韓兩地新勢力,我就以韓式「B1」方式(啤酒及威士忌共飲),預祝3位年輕人成功!乾!

金瓜露筍鮮斑球($368)選用日本南瓜製作,更能帶出斑球味道。

金湯白玉金華百花海參札($188/4件)用冬瓜片包裹海參蝦膠及金華火腿,侍客前加上南瓜汁,啱晒夏日。

金華火腿荷葉麒麟走地雞($228)係另一道夏日菜式,雞肉嫩滑。

桃李

地址:尖沙咀麼地道72號日航酒店2樓
電話:2313 4225