為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2013 年 03 月 12 日

擺名幼稚 蔡少芬撒網

東姑都為人父母,點會唔知撲playgroup撲名校之苦?之不過咁,東姑係平民又冇乜connection,係撲得辛苦啲o架嘞!尤其幼稚園,要為阿B仔打好底嘛,就係咁,有奇遇噃!

蔡少芬撒網

當人人(包括東姑)都係單家長上陣時,蔡少芬同張晉(背向鏡頭者)就齊腳入房面試,真係奇人奇事。

查實東姑都唔係第一次面試撞到張氏夫婦,早前喺九龍塘名校樂基幼稚園(左圖),蔡少芬泊車喺路中心,帶老公阿女面試。喺一眾「明星大晒咩」聲中,面試期間蔡少芬就出校門外泊好車,結果?得就唔會再遇東姑啦!

面試後,張晉笠件褸戴副超出街,畀警察查身份證喎,下次抱埋阿女,即唔似壞人啦!

Kelly寶貝仔「蝦餃仔」都係St. Catherine's學生,名校喎,梗係多名人啦!

鄭中基底厚

嗱,呢嘢唔係東姑親身經歷,但上周咁啱見到鄭中基,同樣為人父母,佢同余思敏嘅囡囡Emma又到面試幼稚園之時,梗係要交流吓。

有「太子基」之名,鄭中基梗係出身自名校,佢話Emma已去過幼稚園面試,咁啱就係Daddy母校,「我即刻摷番細個張學生證出嚟,好彩摷到咋,有張證會加分o架!」

嘩!太子就好啦!雖然佢冇講係邊間母校,但一定唔係東姑讀嗰啲雜嘜街坊幼稚園啦!阿B仔,辛苦你嘞!

鄭中基同余思敏嘅囡囡Emma,今個月就19個月大,去名校面試係時候啦!