為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 彤理有玄 2013 年 03 月 14 日

周亦彤

周亦彤 著名風水師周漢明的女兒,英文名Thierry,畢業於加拿大的藝術學校,回港後,擔任繪畫老師。由於自小受父親的薰陶,故對玄學產生濃厚的興趣,更立志要成為一位出色的玄學家,並希望以風趣的圖像加幽默的文字,與年輕一代分享玄學知識。

教你搵個 好男人

香港地好多女士們揀男友,最緊要係靚唔靚仔,好似古天樂、吳彥祖呢類型男,當然係嗒得杯落呀!

不過,做人千祈唔好以貌取人,靚仔未必係好人,醜樣亦可能有本心。之前我曾經教過大家如何看出八大賤男面相,而今次我就教大家睇樣揾個好男人!

靚仔冇本心?

阿媽教女,通常都會叫個女揾老公千祈唔好揾啲皮膚白淨又靚仔的男人,因為白面靚仔通常冇本心,但其實一個男人好唔好,同皮膚顏色深淺冇關,反而可以由佢的耳和眉入手:

耳廓睇器量 內欄睇誠信

看耳認識一個人的性格,可先從耳廓(上圖1)入手,如耳廓是又闊又大的話,咁這個人的器量就很大、唔記仇,相反耳廓既窄且小的話,這個男人就極度小器,你稍為忘記買生日禮物畀佢的話,分分鐘嬲你一世。

第二個位置是耳仔內欄(上圖2)這部位可以看到一個人的誠信,如內欄曲痕少,代表此人誠實守信,內欄曲痕多,就代表他特別愛講大話。除了以上兩部分外,我們亦要注意心儀對象是否有一對兜風耳,有兜風耳的人性格較為叛逆,要同佢過人世真係唔易!

眉長重感情 眉 好鹹濕

從眉方面,可以看出一個人是否重感情,還是寡情薄倖。一個好男人眉要夠長,當然長同短是按面部比例而定,眉長代表這個人做事計劃周詳、重感情和長情;若然你家中的男子眉長且濃,仲要加埋大眼大鼻的話,咁我就恭喜你喇!因為你已經覓得一個重感情的好男人。

另外,大家又要注意,眉尾太耷的男人就少識為妙,因為這種男人非常鹹濕,一切以性事行先。

下期再教各位姐妹,如何從面相分辨出好男人,一定要留意啦!