為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 03 月 09 日

「港英幫」內訌 為錢銀散Band

近年經常舉港英旗示威,搞到阿爺好㷫嘅網絡群組「我哋係香港人,唔係中國人」,最近出現內訌,瀕臨散band!

呢個「港英幫」成立只半年,facebook已累積三萬多個「like」,元旦遊行號召到百幾人入隊,正愈搞愈大,但早幾日發言人陳梓進突然喺facebook表示,因為出現咗「不能解決的問題」,即時聯同四位核心成員離開,而幕後主腦Dickson,隨後亦宣布退出。

Dickson同陳梓進本來係沙煲兄弟,突然分道揚鑣,一班網民都好意外。本刊搵到佢詢問,佢話組織內有人指佢太霸道,佢亦承認好多行動都係一個人話事,例如周日操去崇光門口抗議反法輪功組織「香港青年關愛協會」通街掛橫額,都係自己諗到就做,「我絕對要檢討」。佢知道陳梓進因此退出,所以自己都唔留低,以示問責。

舉港英旗示威的群組,自稱「我哋係香港人,唔係中國人」,搞到阿爺好㷫。但這個即興組織內部正亂糟糟,兩個阿頭陳梓進(小圖左)及Dickson反目(小圖右),瀕臨散檔!

另一邊廂,陳梓進就爆出更多內情,佢話Dickson除咗霸道,仲經常問組織內兄弟借錢:「一千至幾千不等,借過畀佢嘅至少有十幾人,但又唔還!」佢話如果Dickson再唔還錢,唔排除帶埋證據報警!連佢在內至今已一共有十人離開,暫時未決定會否另立門派。

不過,Dickson矢口否認同任何人有錢銀轇轕,「有借嘅都還咗,社運入面有幾多人有錢借畀我,心照啦!」

陳梓進本來做運輸,最近入咗一間化妝品公司做marketing,今次離場唔玩係想乖乖哋做個打工仔,從此同社運講拜拜!「港英幫」暫由Billy仔(前社民連成員)做召集人,繼續撐住先。