為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2013 年 03 月 01 日

Kary爸撐樂雨戀

繼情人節吳雨霏(Kary)被拍得與余文樂同遊赤柱拍拖談心後,早前兩人秘遊倫敦再度斷正,「樂雨戀」正式曝光!有指兩人三個月前撻着,樂仔已經帶咗Kary出席朋友聚會,女友地位穩如泰山,仲話咁快外遊盡享二人甜蜜世界,絕對打得火熱。

雖然,Kary同樂仔就新戀情不約而同經公司表示不作回應,不過前排佢哋兩個鬼祟現身香港機場,乘搭CX255班機去倫敦溫馨嗰陣,已經被港人拍下同行照片;之後,去到倫敦希斯路機場,Kary又畀幾個妹妹仔粉絲撞到正要求合照,仲有人影咗張Kary同樂仔一先一後喺機場推住行李嘅相。

有人撞破Kary同樂仔喺倫敦蘇豪區拍拖閒逛,仲影埋相擺上網添。

咁都未算喎,早幾日,樂仔喺instagram上載咗張倫敦名勝──威靈頓拱門嘅相片,親證人在英國;佢同Kary前後腳行蘇豪區嘅相片,亦被網友捕捉喺鏡頭之下。連環斷正,其實兩位當事人唔使回應都已經一目了然,最值得開心嘅係,東姑問過Kary爸爸吳子綸支唔支持乖女嘅新戀情?佢就表示:「個女做咩都支持!佢冇話畀我知,不過咁大個女,佢做咩都支持啦,你估仲係古代咩?」

近日,有報道指係Kary主動追求樂仔,仲投其所好,不過佢哋拍拖三個月期間,原來試過分手,皆因樂仔嫌Kary太黐身同唔算十分之愛佢喎。之不過Kary冇放棄,加倍千依百順,最終感動樂仔,兩個人又走翻埋一齊,呢段感情都可算係峰迴路轉嘞。

Kary同樂仔秘遊倫敦斷正,有人拍得佢哋喺倫敦希斯路機場一先一後推住行李嘅相。

Kary爸吳子綸對「樂雨戀」表示支持,仲話「個女做咩都支持」喎。

杜汶澤開talk騷都唔放過玩埋「樂雨戀」一份,大爆七年前阿樂已經讚Kary靚女。

樂仔喺Instagram放三文治相,老友即刻贈興以「其實佢(Kary)係為食貓」回應。