冼色麗（Bonnie）去年宣布與合作五年的舊公司和平分手，與任達華、惠英紅、劉松仁等正式加盟英皇電影藝人部。簽約後工作排山倒海，早前更參演公司的億元製作《特種救援英雄》，與內地演員白冰成為片中唯一女角。

Bonnie參演多部電影，更與多位影帝合作，在《特種救援英雄》中Bonnie飾演安志杰妻子，更是她首次演寡婦：「最難忘有場講安志杰殉職，去到醫院知道消息後，要一巴一巴咁打謝霆鋒，鬧佢無照顧我老公。點知霆鋒叫要真打唔好借位，結果我真係好出力打佢，打到佢塊面紅到不得了！」事後，Bonnie一邊心感內疚，但又感激對方指點演技，見識到影帝的專業工作態度。

近日拍攝劉德華的《風暴》，在片中飾演一名女人質，雖然與華仔同場戲份不多，但已感到滿足：「第一次見華仔時又驚又喜，今次能夠再合作真係一種緣份，戲份雖然唔多，但參與大製作學識到好多！」

新一年Bonnie坦言不只要在工作努力，亦要努力搵對象拍拖：「依家感情生活真係Dry到不得了，連緋聞男友都無，公司無話唔畀拍拖，蛇年希望搵到男朋友！」

PROFILE

英文名：Bonnie

身高：168cm

出生日：10月1日

曾參演作品：《囡囡》10年、《出軌的女人》11年、《喜愛夜蒲》11年、《DIVA 華麗之後》12年

入行經過：參加「明日之星」影視新星大賽，得廣東賽區冠軍、全國總決賽亞軍及網絡最具人氣獎而入行。