戴耀廷開壇 教JR抗爭
港大法律系副教授戴耀廷最近提出「佔領中環」爭普選，引起好大迴響，佢最近又另外搞咗個課程，都幾有爭議性，就係教人用司法覆核（JR）做抗爭手段，挑戰政府施政，個「雞精班」一日速成，學費八百，以NGO（非政府組織）為對象，據聞百幾個名額一早爆，反映市場需求好大。以後更多人識用呢招，政府將更加頭痕。
線人透露，呢個課程係馬會撥款畀港大搞嘅「睿智Excel 3」課程計劃一個環節，以往課程都係講吓加強團體管治，今次就開宗明義教人司法覆核同政府鬥，可以話前所未見，部分港大教職員同校友見到都嚇一跳。
