為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2013 年 02 月 19 日

政客難做按揭 「尊貴無殼蝸牛」大歎:上車難!(三)

陳恆鑌,民建聯區議員兼立法會議員,○七年結婚後買入元朗一個十年樓齡、六百餘呎的私人樓單位,現時月供近萬元,與太太及女兒同住。

他原本是工程師,閒來做點製衣小生意,生活優悠,直至○三年晉身區議會。「當年人工、津貼各萬七,不過租辦事處八千元,請兩個助理萬八,計埋燈油火蠟,份糧已經冇得剩。」陳恆鑌坦言,外界對民建聯有太多猜想:「好多人覺得我哋大把水喉,但其實我哋都要畀錢個黨,貼錢做嘢,個黨唔會送錢畀你使。」

陳恆鑌坦言,自己上到車是好彩,「當時樓價低,我又有屋企人幫手,所以唔係我叻,係運氣」,他指現時樓價未有回落迹象,「依家嘅年輕人比我慘好多倍!」

陳恆鑌

年齡:38

收入:區議員薪金二萬多(2012年前)

現在:立法會及區議會薪金共約十萬(未扣除向黨上繳及議辦營運補貼)

困難:供樓打亂生育計劃

家人幫手才買到樓

雖然生活拮据,但為了成家立室,兩公婆死慳死抵,加上父母支持下,總算湊夠首期上車。陳恆鑌是家中乖仔,屋企人想抱孫,自己亦喜歡小孩,很快就誕下女兒,不過很快亦發現現實殘酷,「唔係生咗咁簡單!」

他原本打算好事成雙,不過現在坦言要再想清楚:「個女已經愈學愈多嘢,又要上playgroup,又要學畫畫學英文,但最重要係我層樓仲有十五年供,再生多個,點算?多咗個小朋友,空間又少咗係咪又要搬?係咪想搞到自己咁緊呢?」

晉身立法會,收入表面上有上升,不過區議員薪津同步減四分一,而服務範圍更廣。「四年後又見一次工,萬一輸咗,層樓亦要繼續供。」放棄一切從政,抵唔抵?「視乎你點衡量啦。」他苦笑說。