為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 娛樂一針 2009 年 07 月 07 日

黃庭桄

《東周網》總編輯、《東周刊》副社長、兼星島新聞集團娛樂、名人、副刊總監。傳記著作有陳方安生《盡付笑談中》、鍾鎮濤《麥當勞道》、沙士紀實《香港還有英雄》和慈善義賣的《一念天堂》、《Cash Happy Book》,哲理著作有《人生何處不Laughing》、《一百個人的遺憾故事》、《眾善孝為先》、《娛樂一針》、《Fly Me To The Moon》、《送你一對翅膀》、《潮爆神獸卡》、《曾付出幾多心跳》、《終於在眼淚中明白》等。

老公豬的情話

以下是一段老夫老妻的對話,時而情話綿綿,時而拍枱拍櫈,有甜甜的,也有苦苦的,都說愛情有時像廿四味,縱是苦不堪言,依然有人「咕」一聲吞下去。

老婆:點解我嫁咗你咁多年,你從來都冇叫過我一聲「老婆豬」?
老公:吓!我唔知喎!
老婆:你依家係咪嫌我人老珠黃,唔及啲o靚模索吖?
老公:我真係冇!
老婆:你唔使再呃我嘞!你心裏面一定係成日嫌我肥!
老公:我冇印象!
老婆:嗚嗚!你出面係咪有第二個女人?
老公:你冤枉我!
老婆:如果唔係,點解你唔學吓人哋,寫情詩嚟o氹我?
老公:梁洛施我就識。
老婆:你究竟識唔識寫詩?
老公:Sorry,你意思係識寫詩定係識寫cheque?
老婆:識寫cheque嘅定義係點樣?
老公:即係我寫張cheque畀你,等你鍾意買咩就買咩咯!
老婆:係咩?(甜笑)收張cheque我都唔拘,其實畀咁多錢我都冇乜特別啫,我都唔恨錢。
老公:你睇吓你笑番個樣,好靚!真係好靚呀!靚呀!好靚呀!靚呀!靚呀!
老婆:老公豬呀!咪講咁多句啦!人哋怕醜㗎!
老公:人哋識唔識寫詩,I don't care!我淨係知你好靚啫!嘩!我未見過一個幾十歲嘅女人,都仲可以咁靚!靚呀!好靚呀!
老婆:(面色轉黑)你話邊個幾十歲呀?
老公:咪咁care啦!你事實上真係嘛!唔通你夠膽話自己索過Angelababy喎?
老婆:哼!你可唔可以再簡單啲講,好冇呀?你係咪想話我唔知醜吖!
老公:你嚴重冤枉我!
老婆:(晦氣)咁你幾時畀張cheque我吖?
老公:(鬥氣)我冇印象講過畀你喎!
老婆:我叫得你做老公,你愛我的話,就要畀錢我。
老公:我無諗過你愛得我好深喎!
老婆:(嬌聲嗲氣)心肝寶貝呀!我幫你按摩吖!之後我哋咪可以好熱烈咁發生「嗰件事」,都成年冇咩咯!
老公:(啜啜)老婆豬豬!張cheque你話幾多就幾多啦!
老婆:(啜啜)老公豬豬!