為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 01 月 16 日

CY左右手 入港鐵做公關

CY競選時之貼身左右手阿Scott(鄭希喧)冇跟老細入宮,聽講當時分手唔多開心,之後阿Scott自己搞個體戶公關公司接大機構生意,並在報刊寫稿,談及CY做事方法偶有尖銳批評,對某些策略不以為然,兩人已唔多來往。

圈中老友講,阿Scott最近已打番工,加入港鐵做項目及物業傳訊高級經理,工作之一是幫手處理政治難題。近年港鐵成為政客攻擊目標,班友利用傳媒製造負面新聞,港鐵防守已算唔錯,但打硬仗需要更多戰將,阿Scott加盟將可加強應戰陣容。

港鐵傳訊事務阿頭梁太本月榮休,個位由前電視主播阿May接上,以阿Scott嘅經驗,應該幫到手。

順便一提,近期大集團及公共機構紛紛加強政治公關,例如中電繼請得前國泰高層莊偉茵出掌公關部後,馬會公關部阿姐蔡敏亦於最近過檔,可見中電正匯聚公關頂級人才,為未來硬仗作準備。

CY競選時的左右手阿Scott(右),冇跟老細入宮,最近入咗港鐵做公關。