為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 親子天地  > 母心肝 2013 年 01 月 06 日

麥潔文創建和諧家庭

「兩公婆和唔和諧,係好影響細路哥對個家庭嘅依賴同信任,所以我同江華好恩愛。」麥潔文綻放着燦爛的笑容說。

麥潔文於九二年跟江華(原名陳木華)結婚,一對子女現已長大成人,十九歲的長子Byran今年將升讀大學,十七歲的幼女Tin則從事髮型行業,「以前湊住兩個細路好辛苦,依家唔辛苦,反而係擔心,擔心個仔點樣揀學校,又擔心個女出面做嘢做成點。」打扮入時的麥潔文恍如搖身一變成穿上圍裙、戴着膠手套的慈母,為家務而傷神。

慶幸她抱着開放、樂觀的態度,且有丈夫江華同甘共苦,「其實我哋比較自由,父母係唔應該對仔女有期望,咁樣會對佢哋造成壓力!」

「怪獸」家長,收到未?

麥潔文與江華結婚二十年,兩名子女今年分別十九歲及十七歲,她認為最佳的育兒方法,就是要與丈夫保持良好關係,共建和諧融洽的家庭。

沒有期望

七九年參加無綫《業餘歌唱比賽》加入樂壇的麥潔文,九二年與江華結婚後兩年,便開始擔任歌唱老師,多年來桃李滿門,本月七日更將與十多位學生在西灣河文娛中心劇院舉行演唱會,好讓他們能站在台上感受前所未有的滿足感。不過,一對血脈相連的子女,卻未有遺傳到她對唱歌的濃厚興趣。縱使兒子Bryan擁有俊朗的外形,卻未曾想過加入娛圈,像爸爸江華一樣chok出一番演藝事業。

麥潔文解說:「佢讀理科嘅,想做護士,可能佢知道自己嘅成績未至於可以做到醫生喇,而且做醫生都好大壓力好辛苦;不過佢雖然冇興趣入行,但佢都好鍾意音樂,彈琴、結他、打鼓都有玩,佢鍾意啲幕後方面嘅嘢。」

三年多前,麥潔文一家四口出席電影《搞鬼甲蟲車》首映禮,寓工作於娛樂。

九二年跟江華結婚的麥潔文,翌年便誕下兒子Bryan,幼女Tin則於兩年後出生,三年抱兩,湊成一個「好」字,幸福無比。

至於十七歲的女兒Tin,中五畢業後便決定出來工作,現在從事髮型行業,對於作為一個母親而言,麥潔文當然也會擔心她的學歷與競爭力不夠,「都同個女傾過好多次,不過佢好堅持,唔緊要喇,可能第日佢會想讀番書呢。每一個人都有自己嘅路要行,如果吓吓都係父母幫佢揀,佢將來可能仲會埋怨父母添!」樂觀、開通的麥潔文總認為,父母不應對子女有期望,也不能左右子女要走的路,只要他們碰過壁,自然會成長。

說來輕鬆,但麥潔文回想從前一對好動反斗的寶貝,也的確為她帶來不少辛酸,她憶述:「湊住佢哋兩個真係好艱辛,我記得嗰陣住喺元朗加州花園,兩個仔女就喺九龍塘讀幼稚園,朝朝由我車佢哋返學,喺架車裏面,佢哋又玩又跳,卒之我要喺高速公路停低架車,打打鬧鬧之後,佢哋先肯坐低靜一陣。嗰次湊完佢哋返到屋企,我直情要閂埋房門休息差電,好攰!」

麥潔文認為夫妻融洽,能讓子女感受到家的溫暖,因此,她和丈夫鮮有爭拗,萬事以和為貴。