為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 12 月 05 日

白雲出錯陰招 錢國偉拖實陳宛蔚

導演錢國偉(Wilson)歷年來艷福無邊,不時被發現一拖八女吃喝玩樂,早前Wilson一手提攜的神獸女白雲為求博上位,出陰招埋身,連月來向傳媒放料,攻擊其正印女友「雜果賓治」陳宛蔚。

為遏止白雲傷害陳宛蔚,Wilson即以行動向陳宛蔚大派定心丸,於眾目睽睽下拖實陳宛蔚,而陳宛蔚坦言:「我同Wilson已經有共識,大家都知佢(白雲)想做乜嘢,所以唔使理佢!」

Wilson早前參加演藝人協會晚宴,他一見到女友陳宛蔚行入酒店大堂,即上前拖到實一實。他們拍拖多年情比金堅,更有傳Wilson將於三年後迎娶女友。

去年六月,錢國偉拉隊到新加坡拍《五覺大戰》,白雲與錢國偉被拍到不時出雙入對而招惹緋聞。

笑白雲太肥

去年六月錢國偉拉隊到新加坡拍《五覺大戰》,與神獸「講唔猿」白雲傳出緋聞,隨即傳出二人手拖手,白雲更餵錢國偉食雪糕,有指此舉令正印女友陳宛蔚非常不滿。而Wilson近日拍惡搞版〈江南Style〉,有份合作過的天使、神獸都有份登場,唯獨沒有預白雲,有指白雲因無工開十分不滿,於是放料指陳宛蔚打爛醋埕,令她冇得撈。

對於白雲連月來玩手段埋Wilson身,陳宛蔚日前接受本刊訪問表示:「我同Wilson都有共識,大家知佢(白雲)做乜嘢同想點,所以唔使理佢!」對於第三者來襲:「其實都冇得防範,呢啲嘢要佢(Wilson)自己去做,我係逆來順受!」雖然白雲來者不善,但陳宛蔚說:「我冇嬲佢,點會嬲呢?好似之前傳Wilson同JJ緋聞,又係得啖笑,我同JJ都係好朋友。不過我都諗如果畀我見到白雲,唔會有乜嘢講囉!」至於白雲無份拍MV一事,陳宛蔚則直指是白雲衰身材過分豐滿:「佢自己都話自己太肥唔適合拍MV!」

陳宛蔚和Wilson以為沒有記者在場,便黐到實一實在會場外看座位表。