為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 11 月 30 日

民主黨「乳鴿」發難內部起紛爭

近來民主黨內部立立亂,本來大佬們想搵黃碧雲頂住主席個位,但呢位阿姐頻頻犯錯,內部劣評如潮,只好考慮換馬,改捧胡志偉揸旗,但佢老哥心驚驚,擔心立法會議員份工未上手,再孭重飛頂唔順,故暫時婉拒,至今主席人選仍未有着落。

上層埋唔到位,下面班「青年軍」又發難,在改革路向營內向大佬們提出幾個極辣建議,一是做過五屆立法會議員的阿哥阿姐,要將議員薪水四至六成上繳,收入冇咗一大截;二是年滿六十歲就不可以再選立法會,強制退下,讓個位出嚟畀「後浪」上。

建議提出後,內部爭論激烈,班老鬼覺得咁做太盡,其中涂謹申反應最大,認為等於叫資深議員白做,如果真係要將一半收入「充公」,他寧願退黨。但一班苦等上位的「乳鴿」堅持己見,力促中委會通過換血建議,睇嚟「老鴿」與「乳鴿」將有一番惡鬥。

民主黨內部立立亂,黃碧雲做唔成主席,一批「青年軍」又建議強制老鬼讓路。