為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 11 月 28 日

《名媛》劇情率先爆 JJ色誘松哥

無綫劇集《名媛望族》自播映以嚟,一直被指「重口味」,皆因年屆六十三歲嘅鍾大狀松哥(劉松仁)逢女冧,而年逾四十歲嘅三太太江美儀就狂放乞人憎。劇情發展嚟到中後段,「五太」JJ(賈曉晨)終於同鍾大狀喺夜店相遇,JJ嘅熱情主動,瞬即籠絡鍾大狀嘅心,即晚就發展一夜情,JJ更有着住性感內衣谷咪嘅誘惑一幕,難怪鍾老爺娶咗四太太楊怡冇耐就忍唔住要曳曳。

《名媛望族》中嘅「五太」終於出手,售貨員JJ喺夜店相遇鍾大狀劉松仁,兩人一撻即着,話咁快就蹺到實。

為咗名利可以不擇手段嘅JJ,主動投懷送抱,同劉松仁連環咀嘴。

由夜店咀到去別墅,鍾大狀同JJ極速發展一夜情。

事實上,售貨員出身嘅JJ一向貪慕虛榮,凡事有錢就有商量,難得搭上有頭有面又有錢嘅鍾大狀,當然唔可以咁易放過。兩人喺咖啡室親熱坐大髀嘅一幕更被四太太撞破,楊怡即時當街怒摑老爺,造就鍾大狀更加理直氣壯包養「五太」。

至於,大難不死、由吳卓羲飾演嘅金木水,為咗向鍾大少馬國明報復,以及搶番小由朱晨麗,竟然詐傻扮失憶,只記得小由一個;於是有情有義又好心地嘅小由肩負起照顧「五哥」木水嘅責任,甚至將佢接到鍾家。而鍾大少馬國明竟然非常睇得開,仲陪住小由照顧木水,三角關係更形複雜。

木水扮傻,唔單止增加咗唔少親近小由嘅機會,仲因為一時衝動,搭上咗備受冷待、寂寞難耐嘅三太太江美儀。面對美男當前,三太太仲主動獻身,發展一段不倫戀。

吳卓羲飾演嘅金木水,扮失憶詐傻,被小由接到鍾家照料,因此出現錯綜複雜嘅三角關係。

一心向鍾家報復嘅木水,無端搭上寂寞難耐嘅三太太江美儀,被視為「最重口味」嘅一幕。

度過春宵之後,JJ着衫之前,仲大晒性感內衣。

四太太楊怡親眼目睹鍾老爺同JJ喺咖啡室纏綿嘅一幕,即時怒不可遏,當街掌摑老爺。