為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 11 月 14 日

王維基施壓升級 無綫玩另一套

亞視做爛頭卒反對發新牌,「巨人」無綫就玩另一套,據圈內人士講,無綫對增發免費電視牌照同樣強烈反對,亦正部署進一步出手,但唔會搞上街行動,而會做兩樣嘢:一是繼續在幕後積極游說,對象當然不止特區政府,仲會向「北大人」埋手,以無綫的傳媒影響力,游說牙力比亞視強好多;二是稍後公開發表論據,影響政府決定,用乜方式仍考慮中。

無綫亦可能就增發電視牌提出司法覆核,如果咁做,政府必順勢將發牌hold住,對王維基就好不利。

王維基亦知道發牌可能成悶局,隧道見唔到出口,錢又要繼續燒,班製作人員同藝員未能一鼓作氣,士氣必挫,所以一定要加大力量迫政府盡快拍板,近期他突然高調,又有一批影視文化界人士及議員發起聯署行動促政府發牌,擺明將壓力升級,睇政府點回應,再決定是否大攤牌。

王維基搵晒成班無綫叛將上車,準備背水一戰,近期加大力度向政府施壓,下月將再大晒冷!