為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 彤理有玄 2012 年 10 月 24 日

周亦彤

周亦彤 著名風水師周漢明的女兒,英文名Thierry,畢業於加拿大的藝術學校,回港後,擔任繪畫老師。由於自小受父親的薰陶,故對玄學產生濃厚的興趣,更立志要成為一位出色的玄學家,並希望以風趣的圖像加幽默的文字,與年輕一代分享玄學知識。

賤男有樣睇(上)

俗語有云:「男人最怕入錯行,女人最怕嫁錯郎。」其實有邊個女仔唔想揾個好男人,付託終生呢?不過,未搵到好男人前,先要避開那些衰男人。今次我就會一連兩期過幾招畀各位姊妹,教大家認識八大賤男面相,敬請剪存收藏。

相由心生 衰人有衰相

正所謂相由心生,如果你心地唔好,自自然然樣子都會變得猙獰,如果你心地善良,樣子都會變得和藹可親,所以你想知道你的伴侶或心儀對象是否賤男一名,只要看看他的面上特徵,便一清二楚了!

1 心理變態男

大家聽到「心理變態」呢四個字,係咪即刻驚一驚呢?這裏所說的心理變態並不是殺人狂魔的意思,只是指一些情緒易受影響,和思想諗法跟一般人異常的人。例如:這類人會同女朋友食食吓飯,突然鬧情緒,又或者因為女朋友唔得閒應約,而匿埋喪喊等。這類男子的面相特徵有一,就係男兒身女兒聲。

2 斤斤計較男

好多男仔都以為只要對女朋友專一、唔偷食,就已經做好本分了,但其實女人都好怕男友同自己斤斤計較,同一個算爆的男友一起,就等同餐餐食雞肋,食之無味、棄之可惜。這類男人,一般的面相特徵都是眼細鼻大、頭耷耷,使多一毫都心噏。

3 躁狂暴力男

大家有看報紙的話,都會看過唔少有關家庭暴力的報道,老公打老婆,真係何其坎坷呢?所以嫁着個脾氣大又躁狂的男人,真係晚晚背人垂淚都似。這類躁到難以控制的男人,一般面相特徵都是面色常紅,仲係紅到發紫嗰隻。

4 尖酸刻薄男

話明係「尖酸刻薄」,刻薄得你,又點會唔同你斤斤計較呢?而有一個斤斤計較的男友,已經夠晒惡頂,仲要對你要求多多、奄奄尖尖,咁就真係前世囉!大家真係非要認清這類賤男的面相特徵不可,就係頭尖、鼻尖、嘴尖、額削、顴削、腮削,即係三尖三削男,遇到佢哋真係成世冇運行!