為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 10 月 02 日

周海媚豪裝回巢

無綫近年鬧小生花旦荒,近日密鑼緊鼓搵外援或斟舊人回巢,繼傳天王劉德華拍劇外,另「收視福將」黃子華已答應明年開劇,至於早前同商天娥鬧翻的張兆輝,亦證實於十二月同周海媚(海味)及謝天華開拍一部以紀律部隊為題材嘅新劇。

近年定居內地嘅海味,原來已靜雞雞返咗港,上周五(廿八日)東姑撞見佢和女友人响銅鑼灣shopping,平貴都啱睇,行完時裝店又去睇金飾,行經路邊攤時,又手多多拎起冒牌iPhone配飾睇,最後就去咗蘋果產品專門店睇mac book。當中都收穫不少,孭住一大袋。海味咁揼本買嘢,睇嚟呢次回巢都做足準備。

海味難得返港即狂掃貨,同行女友人頓變阿四,孭住大袋細袋戰利品。

雖然潮逛蘋果專門店兼研究mac book,但海味嘅衣着和舉止,甚有自遊行feel。

行過金舖,海味又駐足五分鐘細看,但最終嫌貴冇幫襯。

海味戰鬥力驚人,連路邊攤嘅電話配件都唔放過。

雖然賺唔少人仔,但海味買衫時都睇清楚價錢牌先買。