為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 10 月 03 日

離TVB變富貴 馬浚偉龍蝦做早餐

自今年三月跟無綫結束十九年賓主關係的馬浚偉(馬仔),工作有增無減,繼北上拍內地劇《鴛鴦佩》後,日前又返港拍廣告。當日在酒家拍攝的他,有錢賺之餘更獲廣告商揼本招呼,由早餐到晚餐,食足六餐龍蝦宴,相當富貴。

回復自由身的他,諗頭多多,亦已搵得投資者打本,計劃明年開設工作室,一手包辦製作,吸金吸到盡。

識飲識食

憑着主持《大廚出馬》,馬仔大廚形象深入民心,故獲富臨酒家睇中,擔任旗下龍蝦宴的代言人,日前他回港拍攝新廣告。當日踩足十小時的他,在酒樓團團轉,一時要到廚房露兩手、一時又要到魚缸捉龍蝦,雖然是首次,但他未有雞手鴨腳,兩三下手腳便徒手捉起一隻重約五斤的大龍蝦。拍攝輕鬆的他,由早到晚又狂食了六隻龍蝦,有錢搵又有好嘢食,可謂一舉兩得。

他直言︰「今日食得好豐富,因為啲龍蝦有成六款煮法,我全部都要食,不但有得食,酬勞都唔錯。我都係第一次做呢類代言,因為之前做飲食節目,大家以為我好識食,咁我都識煮嘢,最叻海鮮、炒牛柳絲和一般家庭小菜。」

當日馬仔首次徒手捉龍蝦,自言唔難,但因龍蝦份量不輕,拎一陣手已見攰。

當日拍攝時,他初時小心翼翼用網捉龍蝦。