為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 彤理有玄 2012 年 10 月 03 日

周亦彤

周亦彤 著名風水師周漢明的女兒,英文名Thierry,畢業於加拿大的藝術學校,回港後,擔任繪畫老師。由於自小受父親的薰陶,故對玄學產生濃厚的興趣,更立志要成為一位出色的玄學家,並希望以風趣的圖像加幽默的文字,與年輕一代分享玄學知識。

生肖大對碰

由細到大總會聽過長輩們用「蛇鼠一窩」、「豬朋狗友」等,來形容喜愛聚埋一起玩嘅朋友仔。可能耳濡目染,好多朋友都誤以為喺玄學上,肖蛇同肖鼠者、肖豬同肖狗者都會特別夾,走埋一齊,自然吉星拱照,好運到來!

其實這只是大家美麗的誤解,實情是肖蛇同肖猴才是絕配,肖蛇和肖猴者走埋一齊,都會提高對方嘅運程,兩個人做甚麼事都變得如有神助、無往而不利!

「六合」係乜?

在玄學上,十二個生肖都有各自嘅最佳拍檔,一共有六組,故名為「六合」,若然你嘅好朋友或者心儀對象係屬於你嘅六合貴人,咁樣你哋之間相處就會特別和諧、特別好,話唔埋朋友變情侶,情侶變夫妻!

第一組:鼠牛一埋堆,做乜都唔會衰。

第二組:狗仔遇兔仔,好快就拖手仔。

第三組:豬虎拍住上,成日中獎喜洋洋。

第四組:龍鷄在一方,撞鬼都唔會慌。

第五組:蛇猴係一pair,唱K最好啤一啤。

第六組:馬同羊係friend,得閒開心去夾band。

不同生肖的性格

可以搵到一個六合貴人做你愛人,梗係好啦,但係如果搵極都搵唔到,惟有諗吓其他生肖嘅朋友,依家就話你知,不同生肖嘅性格特徵,咁相處時就可以多多包容啦!

肖鼠者:特別愛熱鬧,聰明伶俐,成日都會走嚟走去。

肖牛者:非常孝順勤力,一係唔做,一做就會做不停。

肖狗者:為人忠心,有耐性,好奇,鍾意幫人。

肖兔者:思想快,但較愛依賴別人,喜歡新事物。

肖豬者:比較聰明,對新事物特別敏感,喜歡群體生活。

肖龍者:思想多變,特別有自信,有本事。

肖鷄者:工作上很有自信,喜歡說話,愛打交道。

肖蛇者:做事有計劃,觀察力強,不過懶惰。

肖猴者:做事靈活多變,又聰明,亦喜歡和較聰明的人做朋友

肖馬者:為人主觀,不喜歡周圍走,但喜歡結交朋友。

肖羊者:為人自卑,做事特別緊張,故常被誤導。

肖虎者:性格非常頑固,喜歡靜思,過分自信。