為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2012 年 09 月 07 日

民記大佬「過飽」內部密密配票

立法會選舉周日舉行,泛民內部鬼打鬼,你想我死,我想你亡,建制派方面協調就好好多,但配票涉及複雜工程,要睇背後嘅組織能力。小弟收到風,民建聯兩巨頭譚耀宗同曾鈺成,都出現「過飽」情況,選票多過頭,如果可以配畀其他民記同區候選人,佢哋贏面就大好多。

政圈老友指,阿譚最近去葵青同元朗,叫地區擁躉唔好畀晒票佢,應支持陳恒鑌及梁志祥,內部笑稱為「吐痰(譚)」行動。如果配票做得好,民記有機會取三席,加埋工聯會一席(麥美娟)同田北辰,建制派最多可搶到五個位,在新界東佔多數。

港島方面,曾鈺成知名度高,形象又好,靠自己都可以攞到大量票,所以親中團體票部分會轉畀鍾樹根,希望幫到佢勝出。自由黨劉健儀因欠缺組織票,勝算就差咗啲!

譚耀宗坐定粒六贏出,計過數選票有突,故積極展開配票工程,幫同區兩候選人得勝。