為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 08 月 11 日

大股東唔放水 「棄將」梁安琪踩多腳 鄭經翰:我就快死㗎嘞!

上年啟播的香港數碼廣播電台因集資失敗,將於九月中停播。數碼廣播創辦人鄭經翰表示,由於數碼廣播多位大股東拒絕向電台注資五千萬元,電台將營運至九月十日立法會選舉結束為止,亦於昨開始陸續向員工派遣散信。鄭經翰續稱,數碼廣播大股東、港區全國政協委員黃楚標曾多次在不同場合,在有第三者在場的情況下,向他表示接到中聯辦主任所委託的任務,需要鄭經翰「封咪」,以及令到數碼廣播電台清盤。

鄭經翰表示,由於數碼廣播多位大股東拒絕向電台注資五千萬元,電台將營運至九月十日立法會選舉結束為止。

而本周三鄭經翰接受陳海琪主持now節目《海琪的天空》錄影時忍不住嚎哭,揚言最對妻女唔住,見者心酸。對於DBC落得如斯田地,被被大班形容為神經病的「棄將」梁安琪就直指大班管理不善:「佢做節目好,唔等於管理好,電台經常以試播為由,不斷調動節目,朝令夕改,我先後換咗十二個拍檔!立立亂咁,無固定節目,叫人點落廣告呀?佢又霸權,佢話一,冇人話二,之前我曾向佢獻計,話倒不如由我主持一個固定嘅法律諮詢節目,由我搵律師朋友做客席嘉賓啦,應該會吸到廣告,點知佢冷漠回應:『今日係周日呀,拜拜!』搞到我好多事咁,最後當然不了了之。」

已投資三千七百萬元的數碼廣播股東兼台長鄭經翰(大班)面臨一鋪清袋,本周三接受陳海琪主持now節目《海琪的天空》錄影時忍不住嚎哭。

另外,Angel還大爆DBC最致命的死因,就是缺廣告。「我畀大班呃咗八個月,由我舊年十月簽DBC時,人工幾萬蚊,大班仲話:『你個大家台好多廣告o架,我包你分廣告都分過百萬呀!』到我五月走嗰陣,個節目一個廣告都無!佢仲公開鬧我神經唔正常,幾十歲人講嘢都唔經大腦,咁講可以構成誹謗o架。不過我會以德報怨,唔再追討欠薪,集中精神選舉好過,如果佢有乜要我幫手可以出聲,我係唔會計較,香港多一個傳媒總比少一個好。」畀Angel直斥其非,鄭大班接受傳媒訪問時,先是幽默地回應:「我就快死o架嘞!」但當聽到梁安琪三個字即變得激動:「佢唔值得我同佢拗,我以後都唔會睬呢個人。」

梁安琪曾畀鄭經翰斥是神經病,但她表示如鄭經翰需要她的幫忙,她亦會前事不計的。