為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 07 月 17 日

產前抑鬱 嬲見報少 黃貫中兇女記:你會好大鑊!

黃貫中向來火爆,早前他完成兩場《Rockestra》演唱會,於慶功宴接受傳媒訪問時,突然炮轟傳媒報道,他指女友給他看了報章,花了六年籌備的個唱,記者對不對得起他,報道比手機更細,和怒吼:「就當我誤會,我黃貫中正衰人、正X街,出街畀車車死,我無所謂,整不死我,老闆唔會信,多年來係咁不斷炮轟踩我為乜?」突然又舉起三隻手指道:「我發誓不是怪你們(記者),我做了三十多年音樂,就算覺得我黃貫中係垃圾都好,我仲企响度,但睇到報道咁細真係好沮喪,寧願你哋摑我一巴,明刀明槍,我份人好真,唔喜歡『陰陰質質』,不喜歡我,罵我『X街』都得!」

繼個唱後黃貫中突然情緒失控外,昨天晚上他又在微博和facebook上狂鬧《星島日報》的記者,他先發出了一張指名道姓的帖子,「你昨晚連一聲Good-show門面話都冇講,我就知我欠咗你哋啦,以後你唔好嚟啦,求你,又要用我買紙…又要咁對我,學學人啦,咁冇前途o架,各行各啦唉!」接著加強火力,留言話「咪畀我見到你,我也不想見到你,我雖唔打女人,但你點睇都係男人。」留言愈來愈有火藥味之外,更似帶有恐嚇成分地表示這個記者將會好大鑊,天王都保她不住咁話喎!

黃貫中EQ向來低,於慶功宴接受傳媒訪問時,突然炮轟傳媒報道外,又起三隻手發誓指自己不是怪記者,只是睇到報道咁細真係好沮喪。

黃貫中於facebook上開名鬧記者對他不好,更揚言記者將會好大鑊,天王都保記者不住後,不少網友都留言指黃貫中有字句有恐嚇成分。

黃貫中又於微博上留言「大家看看我這些年是怎熬過來的了!挑撥Beyond成員,令我爸爸氣得中了風,意圖推翻我事業,詛咒我妻兒…這就是娛樂記者,所以我很珍惜真正的記者朋友。」想法似乎過分偏激。

有網友笑指黃貫中脾氣暴躁又神經質,係因為患有產前抑鬱症。

黃貫中口講話唔係嬲記者,轉頭又話睇到報道咁細真係好沮喪,寧願人哋摑佢一巴,黃貫中究竟你想點呢?