為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 07 月 19 日

舒淇帶阿媽傾禮金 馮德倫東京求婚成功

因為同遊日本斷正,令馮德倫和舒淇翻撻之說近日再度熾熱!連日來,當事人馮德倫一直堅持他到當地只純為他執導的新片《太極之從零開始》做音樂,舒淇則是帶媽咪旅行,又表示彼此是多年朋友,「一齊玩,好正常!」

但據悉,這趟東京蜜遊,全由馮德倫一手策劃,更預先着舒淇相約其母親於當地會合,目的原來是要給舒淇一個驚喜,來個突擊求婚,兼順道跟未來岳母大人傾談禮金事宜!難怪冧爆的舒淇,回港後也要在微博以「簡單是件幸福的事」來大晒幸福!

馮德倫(箭嘴)和舒淇(箭嘴)皆好日本料理,曾被發現撐完枱腳歎日本菜後,前後腳離開食肆。

二人上了扶手電梯後,仍保持着距離,不過馮卻繼續撩舒淇傾偈。

母親見證

雖然與舒淇蜜遊東京的行蹤被讀者踢爆,同機回港又被斷正,但馮德倫對於二人翻撻傳聞,仍然繼續死撐:「我只係為咗幫新戲做音樂,佢(舒淇)就帶佢媽咪去玩,我哋係識咗十幾年嘅好朋友,咁一齊去、一齊玩,好正常啫!」

然而,據本刊了解,馮德倫跟舒淇這趟四日三夜的東京之旅,實情是他一手策劃的求婚之旅,「Stephen(馮德倫)之前已經諗住呢個trip同埋舒淇去,仲叫佢約埋佢媽咪喺嗰邊會合,藉口話等自己做嘢時,舒淇都有人陪,但其實Stephen係想同佢求婚,順便同未來岳母傾吓結婚啲嘢。因為Stephen之後會長期喺內地做嘢,舒淇今年年底又約滿東亞,要趕下年結婚嘅話,傾得嚟都差唔多!」一名知情者表示。

據悉,二人於抵達東京第二晚(即七月九日),便偕舒淇母親及一名男性好友,到了新宿住友大廈五十一層的北大路新宿茶寮晚膳,期間馮德倫突拿出鑽戒向舒淇求婚,令舒淇兩母女感動得流淚,即點頭應承。

微博幸福日誌
跟馮德倫翻撻後,舒淇不時在微博透露其冧爆心情,sweet到漏!

情路兜兜圈
馮德倫與舒淇相識曖昧十多年,○六年曾陪同她到紅館,觀看她緋聞男友王力宏的個唱。