為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 07 月 14 日

鬍鬚曾後有靠山 唔聽CY支笛

振英哥個口號係「齊心」,但近日有迹象顯示,鬍鬚曾及其財經班子同振英哥唔多夾口形,冇跟足佢支指揮棒,有成為獨立山頭嘅趨勢。

政圈心水清人士指,鬍鬚曾近排唔肯保證一定派糖,又話外圍經濟差,財政政策要更穩陣,先㩒住個荷包,同振英哥一開波就要大幹一番,態度有啲分別。另外,財經及庫務局局長陳家強話對成立主權基金有保留,認為金管局都可以做類似投資,唔使搞多壇嘢。呢個講法亦同振英哥唔同。

振英哥落區被激進派圍攻,但佢個團隊話「齊心」其實得個講字,人人有自己盤算,唔會並肩打硬仗。

呢位人士講,鬍鬚曾同陳家強掌管財經,並非振英哥嘅主意,而係由阿爺指定,因為目前國際經濟風高浪急,香港金融嘅風險愈嚟愈大,要繼續由「鐵三角」(鬍鬚曾、陳德霖及陳家強)睇住,唔可以畀振英哥話晒事,咁至可以保持金融及財政穩定。

由於阿爺有此安排,鬍鬚曾有好大決策權,振英哥同林鄭都未必推得佢郁,就算想派糖托民望,都唔容易。