唔怕金剛圈 馬騮死纏長氣大師
馬騮加和尚呢個組合，相信大家一定諗起星爺同羅家英喺電影《西遊記》裏面，星爺所飾演的孫悟空畀長氣又囉唆的唐僧，煩到發爛渣。而勢估唔到喺現實生活中，馬騮真係會頂唔順和尚太長氣。
近日youtube就廣傳一段片，片中一開始時就見一名叫延參法師的僧人，在峨眉山上講法講道理，而佢講嚟講去都係同一句「生命是如此精彩、天下風光在峨眉」，可能語調太平和說話太囉嗦的關係，搞到連馬騮都想阻止佢再講落去，不停扯佢件衫同抓佢個頭。而短片廣傳後，延參法師即時爆紅，風趣的他就笑言自己很喜愛小動物，但馬騮仔可能認錯人，他不是唐僧。
延參法師一邊講法一邊被馬騮仔死纏爛打。
這一個情景即時令人想起星爺同家英哥。
