為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 06 月 24 日

衛詩自暴缺點

樂壇孖生姊妹衛蘭同衛詩,本來唱得、跳得又睇得,前途無限,但自從喺○九年妹妹衛詩,因藏毒被唱片公司解除歌手合約之後,連帶家姐衛蘭嘅人氣亦都大不如前,真係慘情!

本來以為毒後信主嘅衛詩,會的起心肝做人嘞,點知最近東姑喺尖沙咀見到佢,仲覺得佢搞到愈嚟愈唔似樣。事關衛詩除咗喺後頸穿咗兩個環之外,仲刻意整咗個古列治頭,再將啲辮仔全部紮起,慌死大家睇唔到佢嗰兩粒潮環。而大家都知衛詩出名少頭髮、髮線又高,呢個古列治頭將佢嘅缺點表露無遺,遠睇同近睇一樣唔討好!其實,女仔人家,行出街化少少妝、着得講究少少,都係對自己嘅一種尊重嚟嘅。

衛詩當日把紮晒辮仔嘅頭髮盤起,凸出佢後頸嗰兩粒頸環之餘,仲將佢頭髮稀疏、髮線上移嘅缺點表露無遺。

早前,東姑發現衛詩現身尖沙咀行商場睇衫,不過,佢除咗滿身贅肉之外,仲素顏示人,真係要執執佢好喎。

衛詩行街,睇多過買,見到靚衫上面個價錢牌,仲臉色一沉冇眼睇。