為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 06 月 21 日

大佬空降心碎 馮煒光憤然投梁

民主黨中常委馮煒光投向梁營,想入「保梁局」做副局長,被大佬達仔斥為賣黨求榮,決裂已成定局。線人話,佢其實早有離心,黨內幾個月前已察覺佢暗助振英哥,並有意另謀出路入官場,皆因佢○八年已想入立法會,但畀大佬們排擠,輪極輪唔到,感到十分冇癮,去年便曾在facebook批評大佬們盤據議席,唔肯畀第二梯隊接班。到最近,黨領導層安排副主席單仲偕空降港島,出戰九月選舉,佢再靠邊站,自然忿忿不平,心灰意冷,於是把心一橫,走去應徵做副局長。

線人指,佢亦曾諗過參加超級區議會選舉,但領導層最後都決定推仁哥及阿涂,令佢再次失望。

馮煒光開設公關公司顧問多年,又喺地區長期打拼,從政條件不弱,而且年前出售公司,賺咗一大筆,可惜上位無路,政途失意,所以佢轉投梁營並唔奇怪,只是大佬們後知後覺啫。

單仲偕空降港島,令馮煒光上位夢碎,乃向振英哥送秋波,轉投「保梁局」。