為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 06 月 20 日

肥平有人照 林鄭夾唔埋

振英哥搵肥平做副政務司長,政圈中人初時覺得冇厘頭,但睇落又唔奇怪,一來佢同老董關係好,故當年獲老人家邀入董班子,大家都知振英哥幕後最大支持者係老董,老人家安插自己友入梁班子,亦好合理;二來肥平雖然冇做官,但同西環及京城某條線仍密切,振英哥靠背後條水上位,如果肥平獲引薦,佢好難推搪;三來肥平本身仍好大官癮,自然極力爭取。

政圈中人指,最冇癮嗰位應係林鄭,當年煲呔頂替老董,被迫接收舊班子,肥平亦在其中,雖對呢位仁兄冇好感,亦只能「骨」聲吞下。為加以制衡,煲呔搵女徒弟林鄭做民政事務局常秘,直接受佢之命行事,變相架空肥平。兩人作風差異大,自然好唔啱key。

如今林鄭變咗肥平上司,若對方仍然滋油歎慢板,又或擺款阿支阿左,以阿姐性格,一定忍唔到,到時可能要振英哥介入,都幾麻煩。

何志平冇做官之後仍然交遊廣闊,同愛妻活躍社交圈。當年佢被邀入董班子,今日老董仍睇佢,佢喺京城亦有天地線,今次獲引薦入梁班子,振英哥好難推搪。林鄭(小圖)同佢拍過,唔多啱key,將來唔容易夾得埋。