為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 06 月 18 日

吳鎮宇佛珠化戾氣

吳鎮宇近來幕前演出唔多,但是非新聞仍然不絕,繼佢喺九龍城推跌對佢太太唔禮貌嘅顧客後,又同裝修師傅因錢銀問題打官司。近排又傳佢返無綫拍《衝上雲霄2》玩晒嘢,未拍已經改幾次檔期同人嘈;早前金像獎佢明明無份提名,卻因為好友劉青雲失影帝,佢多口話「有人得獎冇朋友」,搞到劉德華fans以為佢寸自己偶像,狂炸佢微博。

大概吳鎮宇都覺得自己戾氣太重,日前,東姑見佢同老婆帶埋囝囝去銅鑼灣食飯,「目及」到佢左手竟然戴咗一大串佛珠,而佢上車時唔知係咪驚自己未化好妝,素顏怕嚇親人,見有記者閃燈影相,立即舉手擋住自己個樣,太太亦即時遮住個仔個樣,座駕睇落勁似囚車,真搞笑!

吳鎮宇成身裝扮都幾潮,但左手就戴咗一大串格格不入嘅佛珠,唔知係咪想化解戾氣呢?

鎮宇一上到車即遮住個樣,隔籬嘅太太亦好合拍咁遮住囝囝個樣。