為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 理財  > 投資攻略 2012 年 06 月 02 日

四百萬樓 都叫窮人恩物?

早前利嘉閣荃灣某間分行門外登咗個廣告,大大隻字介紹個樓盤,開宗明義話係窮人恩物。廣告登出之後,竟然被人罵爆,點解?原來所謂「窮人恩物」,係指荃灣樂悠居一個七百五十三呎單位,開價四百一十萬。

嘩!一個成四百萬嘅單位,呎價近五千五百銀,三成首期要畀百二萬,做廿年按揭,每月供款要萬五蚊,咁嘅單位都叫做「窮人恩物」,實在匪夷所思。話晒要畀過百萬做首期,普通市民唔易做到,啲經紀亂咁登廣告,難怪被千夫所指。

你有你罵,實情廣告確有迴響,仲有其他行效法。中原中國正在代理緊某個深圳樓盤,借用咗呢張利嘉閣圖片,喺「窮人恩物」四隻字下面,寫咗「其實仲有更好選擇」,意思係唔一定要揀樂悠居,深圳都有好多選擇o架!

本港樓價飆升,四百萬二手樓居然被地產經紀形容為「窮人恩物」,結果畀行家拿來「過橋」賣廣告。