為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2012 年 05 月 26 日

哨牙通私生女 拎個袋都幾萬

陳振聰早前公開話自己成副身家得番七億好鬼窮,而且大部分財富係來自寶雲道塊楠樺居地皮,現金只得兩千零萬。一般人聽完佢講呢番話好激氣,事關七億已經係好多人一世都搵唔到嘅財富,唔少人有幾千萬都諗住退休,哨牙通仲喺處話自己窮。

不過,大家有所不知,上個禮拜哨牙通就被控偽造及行使假遺囑案的初級偵訊出庭,成家人陪佢一齊,離開法院時,哨牙通私生女倫培珍都有出現,囡囡衣着驟眼睇好似好普通,但查實全部都係貴價貨,淨係佢手上挽個袋價值幾萬。隨便個袋都咁多錢,所以話啫,哨牙通點會唔呻窮吖!

過去哨牙通出入派頭十足,成堆保鑣前呼後擁,依家財富大縮水,呢啲場面不再復見。

哨牙通個私生女倫培珍行頭十足。

一言幫佢老哥計一計數,佢要畀華懋慈善基金同遺產託管人訴訟律師費合共三億,加上稅局追佢嗰三億幾數,加埋接近七億,換言之哨牙通全副家檔賣清,剛啱夠還債,之後打回原形,變回一個平凡人。

想真啲,都冇所謂喇,當初佢都係身無分文,靠服務小甜甜致富,又冇好似人哋搞生意咁,要借錢投資,正所謂一蚊起家輸晒都係一蚊,實際上冇任何損失。而且,佢大哥都試過住洋房,揸靚車,開遊艇同擁有私人飛機,出入大堆保鑣前呼後擁,都算威過享受過,有幾多人試都未試過呀!