為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2012 年 05 月 12 日

五月新娘 梁慧恩

曾以勝利者姿態,以為釣得金龜李澤楷表弟林忠豪的廖碧兒,拍拖四個月後慘被飛甩,人財兩失,拜金形象插水。反之,前Road Show女主持、去年在亞視節目《香港有飯開》擔任主持而打響名堂的梁慧恩(Viann),與林忠豪堂弟林忠澤拍拖年半,終修成正果做五月新娘,在剛過去的周日(五月六日)在君悅酒店筵開四十一圍酒席結婚,共諧連理。

老爺林孝傑是著名婦產科醫生,Viann被指嫁得富二代,但婚前她接受本刊訪問,記者甫到埗,卻見她和林忠澤屈在寫字樓食麥當勞撐枱腳,平民得如你我一樣,她無奈說:「我同佢(林忠澤)都唔明,佢無端端變了富二代。大家都是出生於小康之家,又唔係黐咗佢,我就不用做,我哋係普通人,都要捱、都要做。」

訪問當日,婚禮舉行在即,當時仍是準新娘的Viann神情相當輕鬆,因為婚禮的一切已準備就緒。

Viann與林忠澤到峇里拍婚紗照,其間更在當地舉行一個婚前派對。「三十位好友用半年時間排咗隻舞送畀我同老公,之後又放煙花,嗰一刻我哋真係好感動!」

大爆林忠澤寸嘴

訪問當日,梁慧恩(Viann)沒有先去髮型屋set個靚頭,找化妝師化個靚妝,反而吹頭、化妝自己一手搞掂,全程沒有補妝,「好忙呀!無時間出去,我入行九年,整頭化妝,基本上一定要識。」

面上沒有拜金味的港女Viann,去年在中大的地球系統科學碩士畢業,現修讀博士課程,平日會在父親的電力公司擔任經理一職,管理發電工作。○○年五月在林忠豪介紹下,到他堂弟林忠澤專營節能光管的匯能集團,任職環境及可持續發展研究專員,「記得第一日返工,林忠澤當住我,在林忠豪面前話:『你唔係請佢呀?』我心想呢條友乜料呀,大家自此便不瞅不睬。」

訪問當日林忠澤也在場,叫他一起拍照,他耍手擰頭,貫徹低調。最後Viann提供二人拍拖合照補數。

話雖如此,但因工作關係,Viann亦硬着頭皮與林忠澤共事,「有次佢叫我寫一篇有關物種多樣性的文章,我寫完之後畀佢睇,佢第一個反應係『呢篇文係你寫?』我話唔係我寫邊個寫?」Viann的工作表現,令林忠澤對她另眼相看,之後兩人開始交談,漸漸互生情愫。

「有次幫公司整小冊子,而佢又喺公司幫我,因為晚晚都做到好夜先走,佢見大家都係住港島區,所以會送我返屋企。」

Viann坦言老公沒有特別追求她,他們是自自然然走在一起的。「佢冇追過我,我哋好自然就喺埋一齊。大家由以前只會傾公事,慢慢發展到傾私人電話,到不正常地煲電話粥,大家都感覺到對方有意思。後來出trip都會打電話畀對方,好自然就喺埋一齊,大家都係大人,有啲嘢唔需要講到太明顯。」

她愛到陽光燦爛的地方旅遊,早前去馬爾代夫出海,在船上住了十多天。