為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 04 月 14 日

余若薇唔玩 公民黨排陣立立亂

公民黨個勢愈嚟愈弱,近日為立會選舉排陣大傷腦筋,最大鑊係「王牌」余若薇向親密戰友表明,因腦內水瘤危機未除,受唔到好大壓力,今次選舉唔再出賽啦。冇咗票后壓場,成個陣形就更加單薄。

線人回報,公民黨最近開咗一次內部會議,初步定出立會選舉排位,港島由陳淑莊搭黎廣德及黎志強;九龍東梁家傑繼續領軍;九龍西由毛孟靜掛頭牌;新界東仍然排湯家驊做阿一;新界西至今未定人選。

港島區本係公民黨地盤,但今次冇咗余若薇,號召力大減,陳淑莊於區選敗北,顯示支持度不足,黎廣德本來弱雞,加上港珠澳大橋司法覆核風波,個名臭咗,個名單要贏兩席極難。

票后余若薇因腦瘤未消,唔再出選,加埋新界西內鬥,公民黨陣勢弱上加弱。

線人指,新界西內部爭逐相當嚴重,黨高層有意派近年新入黨嘅郭家麒醫生出選,不過新界西支部一眾地區黨員唔likey,力挺地膽陳琬琛上陣。內部民調顯示兩人支持度不相伯仲,如黨中央強壓落下,地區樁腳肯定反彈,分分鐘拉隊退黨。

最近新界西支部開過一次會,郭家麒單拖到場,講明一定參選,亦唔會排名第二;陳琬琛同樣企硬,表示一定要排頭位。睇嚟內鬥難免。