為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 04 月 11 日

民建聯閉門傾大計 CY出席密斟

特首選戰剛完,各政黨紛紛開始部署九月立會選舉,民建聯本周末就喺深圳麒麟山莊搞路向營,討論「新形勢,新發展」,睇吓政府換屆後,個黨點樣增強實力。呢次活動請到一位重量級嘉賓出席,就係振英哥,另一「人氣」嘉賓係中聯辦文體宣傳部長郝鐵川,但佢老哥剛通知話有事,唔去啦。

民建聯喺特首選戰最後關頭出手相助,「建議」一百四十七名選委投票畀振英哥,呢筆「票債」,遲早要還,民建聯亦唔會唔追數。政圈傳聞,民建聯希望繼續有黨員加入政府高層,包括局長、副局長同政治助理幾個層次,至於行政會議,亦起碼保留一個位。

民建聯本周末入麒麟山莊閉門商議未來大計,振英哥將以特別嘉賓身份出席。

目前民建聯有三名黨員身居政府高層,原副主席蘇錦樑已坐正做商務及經濟發展局局長,張文韜同徐英偉分別任發展局及民政局政治助理,據聞阿Greg(蘇錦樑)留任機會幾大,因為佢做咗一輪局長已熟手好多,民建聯有現成人選,唔使再諗爆頭。至於兩位政治助理,可能會換吓馬,或者搵個新秀入特首辦,好似當年陳克勤咁。

除咗加入政府,民建聯日後同振英哥可以有更多偈傾,雖然主席譚耀宗話民建聯冇考慮用選票交換利益,但政圈人士多認為,雙方默契盡在不言中,振英哥唔會唔識做,日後政府應會在政策上「鬆章」!