為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 04 月 13 日

楊思琦 求密宗保佑

日前產後嘅楊思琦出席首個公開活動,明顯谷奶嘅佢為「錢」途賣「大包」,唔知係咪因為未婚生B影響形象,思琦嘅復出頭炮竟然冇咩巿民圍觀,高層樂易玲「罕有」冇傍住,連思琦媽都冇蒲頭,只係得經理人「陪着佢走」。

當日思琦講阿女楊卓穎(譯音)就口若懸河,至於「經手人」吳帥就強調冇任何關係,實行一刀兩斷咪眼冤。雖然有傳佢有產後抑鬱,思琦就強調話:「我好樂觀,好希望為BB注入滿滿嘅正能量,要做個100%嘅好媽咪。」東姑都明白一個女人仔要湊大個囡真係好大壓力,只見平時冇宗教信仰嘅佢,座駕突然滿天神佛,除咗佢至愛嘅Hello Kitty公仔之外,仲多咗張密宗嘅平安符,睇嚟佢真係需要菩薩嘅扶持走出難關。

思琦產後身材玲瓏浮凸,出入有成棚保安築成人鏈保護,恍如女皇出巡咁。

女粉絲向思琦索合照,佢當然停低影相,力挽人氣。

有半百傳媒追訪思琦,場面墟冚。

首次出席活動嘅思琦,因為谷奶而逼爆條私伙黃色連身裙。而佢當日抱貓時,反被貓仔刮損心口。

思琦座駕車頭位置,擺放一張密宗嘅平安符。