陳僖儀 忘情

經歷令人成長，唱情歌特別投入的陳僖儀，等了一年終於如願成為歌手，等待的過程中，日子一天一天的過去，令她和家人擔心歌星夢是否真能實現。

伯樂黃柏高讓她放手一博，在等待的日子，寫出自己的作品，打造一條唱作之路。

新碟中的〈忘川〉一曲，便是由前男友激發靈感而誕生。

「首歌係突然之間搭電梯想到的，我係一個諗好多的人，唔會胡亂開始一段感情，同前男友拍拖都考慮咗好耐，點知拍咗一個月，有一晚食完飯搭緊電梯，佢就同我講分手，成件事好突然，當時真係好hurt。」

經過這次的傷害，Sita對愛情更加小心，考慮亦更加多，愛情觀比起以前，想法有所改變。

「以前鍾意高大靚仔，依家唔會喇！亦唔會揀不負責任的人，上一段感情雖然唔係好長時間，但彼此了解之外，仲要有共同嗜好，希望未來出現的人，會同我一樣鍾意音樂。」

雖然受到前男友的傷害，但她亦慶幸及早分手，那人最近又主動聯絡提出復合，不過Sita事業剛起步，做歌手才是她的目標！

Profile
英文名：Sita
出生日期：1987年3月10日
身高：162cm
體重：46kg
獎項：《2011十大勁歌頒獎典禮》「新人薦場飆星獎」
唱片：《Crazy Love》
舞台劇：《戀Love Love》
電影：《戀夏戀夏戀戀下》、《大愛》（未上映）