為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 02 月 23 日

楊千嬅嚇死老公

楊千嬅七年前不滿黃偉文(Wyman)填寫嘅歌詞,二人關係由好友變仇人。

不過兩位近日終於好番,大肚婆千嬅日前應邀做對方演唱會嘉賓,事實千嬅起初畀老公丁子高以BB為由禁止出台,開騷前兩日兩公婆仍在考慮中,不過最終千嬅都說服老公話要畀面破冰,以免第日積怨太深,無彎轉。當晚千嬅賣大包唱足三首歌,丁生就喺台下超緊張,見到千嬅邊唱邊按住肚子,一時又屈膝彎腰,觀眾睇大肚婆唱歌當然睇得好開心,難為台下嘅丁生成晚擔心,怕老婆動胎氣,好彩千嬅當晚演出順利!

籮咁大個肚的千嬅,撐住條腰都要唱。

千嬅唱得投入時,更郁埋手彎埋腰,老公丁子高必定嚇到手都震。

千嬅要幫Wyman撐場,答應老公着波鞋上台。

丁子高同徐濠縈全晚都睇得好肉緊,丁生「目及」實大肚老婆唱歌,阿徐就睇住Eason激咀。