為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 02 月 25 日

挖深啲娛圈僭健變靚實錄

今時今日香港地,做男人有腰骨、有膊頭,做女人自然識做給身邊人一個溫暖及開心的視覺安樂窩,就算係年屆auntie,有人亦樂意將自己僭建,包裝到very very pretty。

近年化妝和醫學美容科技發展迅速,娛圈吹起一股又一股「變靚」風暴,不少女星更自己揸主意加入「變靚」行列,力求在事業、婚姻及感情生活上,增添幾分衝擊,要人人見到都要大讚「you're so beauty。」

以往無論是面圓扁鼻、眼細唇薄、牙齒不齊或是胸部平坦,統統變靚冇難度,要逐漸變靚又得,立即變靚亦得,效果仲要係相當好,只要荷包有money,一切都變得very very easy。

出席香港皮草設計比賽時,薛芷倫鼻樑挺直、下巴兜兜,人工味甚重。

薛芷倫 起7號鼻

Ball后薛芷倫多年來一直保持短髮look,清爽又有型,又靚又識着衫,是社交界公認的ball后。但自從年前患上癌病,在藥物的影響下,樣子亦起了變化。去年她勇抗癌魔成功後,再戰ball場時,五官明顯走了樣,超挺的鼻樑,猶如一個7字倒轉、豐厚的嘴唇和厚肉的下巴,跟之前完全是兩個樣。

難得Fanny看得開,又默認下巴曾接受過微創整形手術。「電腦軟件壞過,就算好番都唔同啦!而且燈光同化妝都有影響,水腫都會影響狀態。」

2000年
薛芷倫出席首映禮時後生可人,淡淡妝容已很省鏡。

2005年
薛芷倫已縱橫ball場一段時間,成熟了的她,鼻樑不算太高,但仍相當natural。

楊怡 V形下巴

楊怡01年出道時包包面、細眼,扁鼻樑、闊鼻翼和皮膚黑黑,05年鼻樑開始發育,接拍《學警雄心》走紅,人紅自然要靚,前年,她的鼻突然變高,鼻頭尖尖,兩邊腮骨變削,下巴起角,她堅稱是化妝效果。

2003年
楊怡面長眼細,鼻樑扁。

2006年
漸漸備受注目,樣子亦隨之起了變化,間尺鼻見雛形,雙眼亦漸大。

2012年
楊怡開始擁有V形下巴,翹起的鼻子,輪廓更加分明。